Gondlisõudja
Mu gondli must nõna lõigaś laapsahe kanalidõ vagast vett. Klantsja loodsik olĺ minno häste tiinnü palĺo aastit, vidänü reisjit liina viiteid pite mu mitmõ põlvõ vanavanõmbidõ kamandava käe all.
Päiv olĺ muistidsõ liina kottal alla minemän ja viist sai tindikarva lint piinü mooduga liivakivihuunidõ vaihõl. Ma hingssi sügävält sisse jahhet õdagust tuulõhõngu.
Kas om üttegi ilosampa paika ku seo imeline kanalidõ liin? Ku loodsik hilĺokõisi umma valgmahe juusḱ, jäi ma rahul ollõn kaema üles, Marsi tummõs tõmbavahe taivahe.
Translated by Urmas Kalla
No comments:
Post a Comment